一星期完了......

今星期都算開心啦
希望下個星期都可以
開開心心咁過
就好LU......

十一月五日

今日難得放假，諗住同佢一齊出街行吓，點知等極佢佢都未得。
我一早已經叫佢唔好做嗰份兼職，人工又CHEAP，地方又遠，車錢都蝕埋俾佢。
不過佢成日話可以學到嘢喎......
結果等到6點幾先出去，出到去都7點幾LU......
不過都OK咁啦，因為佢都送0左個公仔俾我(今次就包得求其啲LU)。
算啦~~~

十一月四日

今日佢下午時講0左話唔嚟搵我，點知我放學問佢响邊時佢竟然响西灣河地鐵站等我，好開心呀~~~^_^佢仲包0左份禮物俾我添!!
雖然份禮物係包得好醜怪，不過比平時有心思好多。
佢好少咁做0架，總算有進步啦^3^~~~

十一月三日

今日冇乜特別事，可能開心O左兩日，佢覺得已經夠喇掛......
不過今日去到出地鐵時，佢又問我使唔使陪我出去......唉~~~
我之前已經講過如果佢真係有心陪就唔會問，陪唔陪依家嘢係要自動自覺先有意義。如果要講出口先做嘅話就唔係發自自願性啦。
睇嚟佢都係唔明O架喇......唉~~~~

十一月二日

之前同DogDog去街街，見到啲Pinky公仔好得意，但係冇買到。結果佢今日竟然送o左個俾我，仲係PostPet嘅特別版！！我好開心呀^_^
唔知係唔係我之前講過話好唔開心，所以佢先至對我咁好呢?
如果要我唔開心佢先至會對我好，咁其實我都幾悲哀......

十一月一日

今日同小犬睇o左怪誕屍新娘，已經好耐冇一齊睇過戲喇。所以今日真係好難得。佢今日仲買o左個點點頭公仔俾我，係藍色嘅。其實我已經有一個黃色响屋企，之前响零食物語見到同係列嘅食玩，好想買但冇$$，結果咁就錯過o左。可能佢知掛，佢就買返隻大大隻嘅俾我補翩數。我好開心呀^_^
雖然佢唔係好識dum我，但佢真係對我好好。
好多謝你呀，DogDog I Love U

前言......

話說响好耐好耐之前，一條狗同一隻雀响北方寶山上嘅果仁樹下相遇。佢哋一齊去修煉，响嗰四年間佢哋差唔多日日都見住。直至畢業嘅時候......
DogDog:我要去上海繼續修煉，這一去便是三年的了。
小雀仙:好的!無論如何這三年我一定會等你的。
就係咁，佢哋就由每日都見面嘅日子變成每年先見兩次嘅日了......
好彩三年好快就過o左。
小雀仙以為終於可以脫離苦海，但原來事實並唔係好似想像入面咁。
小雀仙好失望，好唔開心。慢慢慢慢就變成只係記得啲唔開心嘅事。
終於有一日DogDog忍唔住話:你唔好淨係記住啲唔開心嘅事，其實有好多好開心嘅事可以記o架。
所以鳥居犬舍就係咁面世喇.....

大吉圖

開張啦!!

今日開張，多多指教^_^
我會响依度記低我同DogDog嘅事
希望唔好有人話我肉麻la

祝 開張大吉